नेपाल सरकार
गृह मन्त्रालय
जिल्ला प्रशासन कार्यालय,
गुल्मी

  • निरीक्षण/अनुगमन २०७४-८-२

    आगामी २०७४ म‌ंसिर २१ गते सम्पन्न हुन गईरहेको प्रतिनिधि सभा सदस्य र प्रदेश सभा सदस्य निर्वाचनको सन्दर्भमा शान्ति सुरक्षाको अवस्था, मतदानस्थल, निर्वाचन आचार संहिता, मतदाता शिक्षा लगायतका विषयमा श्रीमान् प्रमुख जिल्ला अधिकारी गोपालप्रसाद अर्यालज्यूको स‌ंयोजकत्वमा जिल्लास्थीत सुरक्षा निकायका प्रमुख समेतको टोलीबाट यस जिल्लाका कालिगगण्डकी गाउँपालिका अन्तर्गत हर्मिचौर, अर्वेनी, पुर्तिघाट, भुर्तुङ्ग, चन्द्रकोट गाउँपालिका अन्तर्गत ग्वाघा, शान्तिपुर, रुपाकोट, तुराङ्ग, गुल्मीदरबार गाउँपालिका अन्तर्गत जुभुङ्ग, गौडाकोट लगायतका क्षेत्रहरुमा स्थलगत निरीक्षण/अनुगमन भयो । 

  • निरीक्षण/अनुगमन २०७४-७-१८

    आगामी २०७४ म‌ंसिर २१ गते सम्पन्न हुन गईरहेको प्रतिनिधि सभा सदस्य र प्रदेश सभा सदस्य निर्वाचनको सन्दर्भमा शान्ति सुरक्षाको अवस्था, मतदानस्थल, निर्वाचन आचार संहिता, मतदाता शिक्षा लगायतका विषयमा श्रीमान् प्रमुख जिल्ला अधिकारी गोपालप्रसाद अर्यालज्यूको स‌ंयोजकत्वमा जिल्लास्थीत सुरक्षा निकायका प्रमुख समेतको टोलीबाट यस जिल्लाका वामीटक्सार, पौदीअमराही, तुराङ्ग लगायतका क्षेत्रहरुमा स्थलगत निरीक्षण/अनुगमन भयो ।  

  • बजार अनुगमन २०७४-६-३१

    जिल्ला प्रशासन कार्यालय गुल्मीले सदरमुकाम तम्घासमा मिति २०७४।०६।३१ गते बजार अनुगमन गरेको छ । प्रशासकीय अधिकृतद्धय श्री भक्तिराम मरासिनी र रामचन्द्र पन्थीको नेतृत्वमा जिल्ला प्रशासन कार्यालय गुल्मीका कर्मचारी¸ उद्योग बाणिज्य संघका प्रतिनिधि¸ पत्रकार¸ उपभोक्ता प्रतिनिधि संलग्न २ वटा अनुगमन टोलीले बजार अनुगमन गर्दा म्याद गुज्रेका मिक्स अचार¸  ओरेन्ज जुस¸ किसमिस¸ कुरकुरे लगायतका सामग्रीहरु जफत गरी जिल्ला प्रहरी कार्यालयमा लगि नष्ट गरिएको छ ।

  • प्रमुख जिल्ला अधिकारीलाई स्वागत २०७४-६-१७

    गुल्मी जिल्लाको प्रमुख जिल्ला अधिकारी (सह-सचिव) श्री गोपालप्रसाद अर्यालज्यू लाई स्वागत गर्दै उहाँको सफल कार्यकालको शुभकामना व्यक्त गर्दछौं ।

  • जरुरी सूचना २०७३-१२-१५

    जिल्ला प्रशासन कार्यालय गुल्मीको जरुरी सूचना २०७४ सला वैशाख ३१ गते हुने स्थानीय तहको निर्वाचनलाई निष्पक्ष, शान्तिपूर्ण र भयरहित वातावरणमा सम्पन्न गर्न हातहतियार खरखजाना ऐन,  २०१९ को दफा ८ बमोजिम यस जिल्लाका विभिन्न व्यक्तिहरुसँग रहेका इजाजतपत्र प्राप्त हातहतियार २०७४ वैशाख १५ गतेभित्र जिल्ला प्रहरी कार्यालय वा अन्तरगतको निकायमा अनिवार्य रुपमा बुझाउनु हुन सम्बन्धित सबैको जानकारीको लागि यो सूचना प्रकाशन गरिएको छ । प्रमुख जिल्ला अधिकारी जिल्ला प्रशासन कार्यालय,  गुल्मी  

  • जग्गा प्राप्ति सम्बन्धमा २०७३-१०-२४

    कफी विकास केन्द्र आँपचौर गुल्मीको लागि जग्गा प्राप्ति गर्ने सम्बन्धमा यही मिति २०७३।११।३ गते प्रमुख जिल्ला अधिकारी श्री कृष्ण प्रसाद ढुङ्गानाज्यूको अध्यक्षतामा कफी विकास केन्द्रको लागि आवश्यक पर्ने जग्गा प्राप्तिको विषयमा देखिएको समस्या समाधान गरी कफी विकास केन्द्र आँपचौर गुल्मीको लागि आवश्यक पर्ने जग्गा प्राप्तिको लागि प्रमुख जिल्ला अधिकारीको संयोजनकारी भूमिकामा स्थानीय शिवशंकर माध्यमिक विद्यालय व्यवसथापन समिति,  जग्गादाता र कफि विकास केन्द्र गुल्मीबीच सहमती भयो ।

  • निरीक्षण/अनुगमन २०७३-११-४

    गुल्मी जिल्लाको क्षेत्र नं १ अन्तर्गत २८ गाविसहरुलाई सेवा प्रवाह गर्ने उद्देश्य राखी मिति २०७३ माघ ११ गते देखि सेवाग्राही मैत्री मालपोत कार्यालय र नापी कार्यालय मजुवा बजार गुल्मीमा यही मिति २०७३ साल फाल्गुण ३ र ४ गते प्रमुख जिल्ला अधिकारी श्री कृष्णप्रसाद ढुङ्गानाज्यूको संयोजकत्वमा स.प्र.ना.उ. , मालपोत कार्यालय तमघास गुल्मी लगायतका टोलीबाट कार्यालय निरीक्षण/अनुगमन भयो ।

  • अविरल वर्षाले पुर्याएको क्षति निरीक्षण/अनुगमन २०७३-४-२०

    मिति २०७३।४।१९ गतेका दिन प्रमुख जिल्ला अधिकारी र सुरक्षा निकायका प्रमुखहरु समेतको टोलीबाट अविरल वर्षाको कारण आएको बाढी/पहिरोले पुर्याएको क्षति निरीक्षण/अवलाेकन तथा राहत/उद्दारको क्रममा यस जिल्लाको क्षेेत्र नं १ का प्रभावित जोहाङ गा.वि.स. को उल्लिखोला बजार र जुनिया गाविसको चोरकाटे बजार क्षेत्रकाे अवलाेकन/निरीक्षण भएको ।

  • प्रकोप पीडितको लागि आवश्यक राहत/उद्दार सम्बन्धमा २०७३-४-१७

    हालैको अविरल वर्षाको कारण गुल्मी जिल्लामा १० जनाले ज्यान गुमाएका¸ ७५ घर पूर्ण क्षति भएको त्यस्ता घरको संख्या करीब १०० भन्दा बढी हुने देखिएको साथै २०० भन्दा अधिक व्यक्ति घर जोखिममा परी विस्थापित भएको अवस्था विद्यमान रहेकोले बाढी/पहिरो पीडित परिवारजनलाई राहत एवं पुनस्थापना कार्यको लागि आफू सक्दो सहयोग ग्लोवल आइ एम ई. बैंकको खाता नं 7007010014550 मा जम्मा हुने गरी सहयोग गरिदिनुहुन सम्बन्धित सबैको लागि यो सूचना जारी गरिएको छ । साथै जिल्लास्थित सम्पूर्ण कर्मचारी/शिक्षकहरुबाट प्रकोप पीडितलाई सहयोग पुर्याउने पवित्र उद्देश्यका साथ न्यूनतम १ दिनको तलब बराबरको रकम राहत स्वरुप प्रदान गर्ने निर्णय गरियो ।

  • संयुक्त बजार अनुगमन तथा कार्ययोजना निर्माण गोष्ठी २०७३-३-३१

    प्रमुख जिल्ला अधिकारी श्री उदय बहादुर राना मगरको संयोजकत्वमा आगामी आ.व. ०७३।०७४ को लागि संयुक्त बजार अनुगमन तथा कार्ययोजना निर्माण गोष्ठी जिल्ला प्रशासन कार्यालयको सभाहलमा सम्पन्न भयो ।



© सर्वाधिकार सुरक्षित गृह मन्त्रालय