नेपाल सरकार
गृह मन्त्रालय
जिल्ला प्रशासन कार्यालय,
गुल्मी

  • विश्व वातावरण दिवस २०७५-२-२२

    "भावी पुस्तालाई स्वच्छ वातावरण सबैकाे दायित्व" भन्ने मूल नाराका साथ आज मिति २०७५।२।२२ गते (जुन ५) मा विश्व वातावरण दिवस  काे अवसरमा नेपाल सरकारबाट आव्हान भए बमोजिम एक राष्ट्रसेवक एक फलफुलको विरुवा अभियान अन्तर्गत प्रमुख जिल्ला अधिकारी श्री कोशलराज शर्माज्यूबाट जिल्ला प्रशासन कार्यालयको परिसर र उर्लेनी डाँडामा माेकाडामियानट (जापानी कटुस) का बिरुवा  र राेपी कार्यक्रमको शुभारम्भ गर्नुभयो साथै अन्य  अन्य राष्ट्रसेवक कर्मचारीहरुले आ-आफ्नो पायक पर्ने सार्वजनिक स्थलहरुमा विभिन्न किसिमका फलफुलका विरुवा रोपी उक्त कार्यक्रम भव्यताका साथ मनाइयो ।

  • स्वागत २०७५-१-२२

    आज मिति २०७५।१।२१ गतेका दिन गुल्मी जिल्लाका प्रमुख जिल्ला अधिकारी श्री कोशलराज शर्मालाई जिल्ला प्रशासन कार्यालयमा कार्यरत कर्मचारीहरुबाट  कार्यालयमा स्वागत गर्दै सफल कार्यकालको शुभकामना प्रदान गरियो ।

  • माननीय मन्त्रीज्यूसँग छलफल कार्यक्रम २०७५-१-४

    यही मिति २०७५/०१/०४ गतेका दिन जिल्ला प्रशासन कार्यालयको सभाहलमा माननीय श्रम¸ रोजगार तथा सामाजिक सुरक्षा मन्त्री श्री गोकर्ण विष्टज्यूको विशेष उपस्थिति तथा नि.प्र.जि.अ.श्री कोशलराज शर्माको अध्यक्षतामा स्वागत तथा भेटघाट एवं छलफल कार्यक्रम सम्पन्न भयो । उक्त कार्यक्रममा माननीय मन्त्री गोकर्ण विष्टबाट जिल्लास्थित सुशासन ईकाइ प्रमुखसँगको छलफलमा  भ्रष्टाचार, ढिलासुस्ती जस्ता प्रवृत्तिलाई अन्त्य गरी राष्ट्रको अार्थिक विकासमा अग्रसर हुँदै सुशासन कायम गर्ने सम्बन्धमा वृहत छलफल कार्यक्रम सम्पन्न भयो ।  

  • मा.परराष्ट्र मन्त्रीज्यूसँगको छलफल कार्यक्रम २०७४-१२-१६

    माननीय परराष्ट्र मन्त्री श्री प्रदीपकुमार ज्ञवालीज्यूको प्रमुख आतिथ्यता तथा प्रमुख जिल्ला अधिकारी श्री गोपालप्रसाद अर्यालज्यूको अध्यक्षतामा यही मिति २०७४।१२।१६ गतेका दिन जिल्ला प्रशासन कार्यालयको सभाहलमा जिल्लास्थित कार्यालय प्रमुखहरुसँग राष्ट्रिय हितलाई केन्द्रमा राख्ने¸ लोकतन्त्रलाई सुदृढ गर्ने¸ सामाजिक सद्भाव कायम गर्ने¸ स्थायीत्व र शान्ति सुरक्षा कायम गर्नुका साथै आर्थिक विकास लगायतका विषयमा वृहत छलफल कार्यक्रम सम्पन्न भयो ।

  • आगलागी नियन्त्रण सम्बन्धमा २०७४-११-२९

    मिति २०७४ साल फागुन २९ गते साँझदेखि रेसुङ्गा नगरपालिका वडा नं. १४ स्थित पराल्मीको फूलबारी सामुदायिक वनबाट शुरु भएको आगलागी नियन्त्रण गर्नको लागि प्रमुख जिल्ला अधिकारी श्री गाेपालप्रसाद अर्यालज्यूको नेतृत्वमा खटिएको जिल्ला प्रहरी,  नेपाली सेना वीरभद्र जंग गुल्म धागीथुम ब्यारेक, सशस्त्र प्रहरी बल गुल्म उर्लेनी र स्थानीयबासिन्दा समेतको अथक प्रयासबाट नियन्त्रणमा आएको छ ।

  • अनुगमन/निरीक्षण २०७४-११-२४

    मिति २०७४११।२४ गतेका दिन प्रमुख जिल्ला अधिकारी श्री गाेपालप्रसाद अर्यालज्यूको स‌ंयाेजकत्वमा निमित्त जिल्ला वन अधिकृतसहितको टोलीबाट यस जिल्लाको सत्यवती गाउँपालिका वडा नं ८ भार्से निवासी धन बहादुर पुनले संचालन गर्दै आइरहेको दुर्गा लेकाली अगरवुड कम्पनीको अवलाेकन गर्नुकाे साथै करीब १०० राेपनी जग्गामा लगाइएको अगरवुड, कागती, सुन्तला, बेसार लगायत कृषि जन्य खेतीको अवलोकन/निरीक्षण भयो ।

  • निरीक्षण/अनुगमन २०७४-८-२

    आगामी २०७४ म‌ंसिर २१ गते सम्पन्न हुन गईरहेको प्रतिनिधि सभा सदस्य र प्रदेश सभा सदस्य निर्वाचनको सन्दर्भमा शान्ति सुरक्षाको अवस्था, मतदानस्थल, निर्वाचन आचार संहिता, मतदाता शिक्षा लगायतका विषयमा श्रीमान् प्रमुख जिल्ला अधिकारी गोपालप्रसाद अर्यालज्यूको स‌ंयोजकत्वमा जिल्लास्थीत सुरक्षा निकायका प्रमुख समेतको टोलीबाट यस जिल्लाका कालिगगण्डकी गाउँपालिका अन्तर्गत हर्मिचौर, अर्वेनी, पुर्तिघाट, भुर्तुङ्ग, चन्द्रकोट गाउँपालिका अन्तर्गत ग्वाघा, शान्तिपुर, रुपाकोट, तुराङ्ग, गुल्मीदरबार गाउँपालिका अन्तर्गत जुभुङ्ग, गौडाकोट लगायतका क्षेत्रहरुमा स्थलगत निरीक्षण/अनुगमन भयो । 

  • निरीक्षण/अनुगमन २०७४-७-१८

    आगामी २०७४ म‌ंसिर २१ गते सम्पन्न हुन गईरहेको प्रतिनिधि सभा सदस्य र प्रदेश सभा सदस्य निर्वाचनको सन्दर्भमा शान्ति सुरक्षाको अवस्था, मतदानस्थल, निर्वाचन आचार संहिता, मतदाता शिक्षा लगायतका विषयमा श्रीमान् प्रमुख जिल्ला अधिकारी गोपालप्रसाद अर्यालज्यूको स‌ंयोजकत्वमा जिल्लास्थीत सुरक्षा निकायका प्रमुख समेतको टोलीबाट यस जिल्लाका वामीटक्सार, पौदीअमराही, तुराङ्ग लगायतका क्षेत्रहरुमा स्थलगत निरीक्षण/अनुगमन भयो ।  

  • बजार अनुगमन २०७४-६-३१

    जिल्ला प्रशासन कार्यालय गुल्मीले सदरमुकाम तम्घासमा मिति २०७४।०६।३१ गते बजार अनुगमन गरेको छ । प्रशासकीय अधिकृतद्धय श्री भक्तिराम मरासिनी र रामचन्द्र पन्थीको नेतृत्वमा जिल्ला प्रशासन कार्यालय गुल्मीका कर्मचारी¸ उद्योग बाणिज्य संघका प्रतिनिधि¸ पत्रकार¸ उपभोक्ता प्रतिनिधि संलग्न २ वटा अनुगमन टोलीले बजार अनुगमन गर्दा म्याद गुज्रेका मिक्स अचार¸  ओरेन्ज जुस¸ किसमिस¸ कुरकुरे लगायतका सामग्रीहरु जफत गरी जिल्ला प्रहरी कार्यालयमा लगि नष्ट गरिएको छ ।

  • प्रमुख जिल्ला अधिकारीलाई स्वागत २०७४-६-१७

    गुल्मी जिल्लाको प्रमुख जिल्ला अधिकारी (सह-सचिव) श्री गोपालप्रसाद अर्यालज्यू लाई स्वागत गर्दै उहाँको सफल कार्यकालको शुभकामना व्यक्त गर्दछौं ।



© सर्वाधिकार सुरक्षित गृह मन्त्रालय